Портфолио

Со овој проект УНИЦЕФ ја препознава суштинската улога на Центрите за вакцинација и потребата од зајакнување на нивната работа и важност на целата територија на Северна Македонија со цел поефикасно да им служи на граѓаните и да го оптимизира нивното функционирање. Проектот вклучува функционална и финансиска анализа се фокусира на организациската поставеност, распределбата на ресурсите и капацитетот на работната сила на центрите за вакцинација, објавени како препораки за ефективни политики до Министерството за здравство. Понатаму, развиена е анализа на трошоците и придобивките и можностите за финансиска одржливост на службите кои вршат вакцинација, со упатување на иновативни опции, бидејќи обезбедувањето бесплатна универзална примарна здравствена заштита треба да биде достапна за сите, а пред се да биде квалитетна и достапна до детската популација. 

Со надградба на внатрешната организација и систематизирање на работните места во Центрите за социјална работа, проектот придонесува за севкупно подобра испорака на социјалните услуги и социјалната заштита, што на крајот ќе доведе до подобрување на јавните системи одговорни за развојот на човечкиот потенцијал во државата и ефикасна заштита на децата. Со цел да се зајакне квалитетот и покриеноста на услугите низ државата, проектот длабински ги анализира неколку Центри за социјална работа во руралните и во урбаните средини во Северна Македонија, па препораките ќе придонесат за подобрување на работата на сите центри и системот за социјална заштита.

Проектот е спроведен во партнерство меѓу ЕВОЛВ и Центар за управување со промени (ЦУП).
 

Очекувани резултати

1. Извештај од спроведената функционална анализа во Службите за вакцинација во Северна Македонија, со препораки за организациски развој
2. Развиена проценка на трошковната ефикасност и план за финансиска одржливост
3. Кратка политика за услугите за вакцинација, што ги сумира клучните наоди и препораки за креаторите на политиките, професионалците и заедниците
4. Ревидиран Интерен акт за организација и Интерен акт за систематизација на конкретни релевантни работни позиции во центрите за вакцинација
5. Извештај од спроведената функционална анализа во избрани ЦСР, со препораки за организациски развој
6. Препораки за политики за обезбедување подобрена организација на ЦСР, управување со перформансите и ефикасност на работењето
7. Подготвени акти за организациска структура и систематизација на работните места во ЦСР