Портфолио

Програмата за парламентарна поддршка дава поддршка на Собранието на Република Северна Македонија во неговите напори за независност преку градење на консензус, структурни реформи и градење на капацитетите за институционален развој на Собранието, неговата законодавна и надзорна улога, неговата институционална транспарентност и отчетност.

Програмата за парламентарна поддршка е имплементирана од Националниот демократски институт (НДИ), Центарот за управување со промени и Институтот за демократија Социетас цивилис (ИДСЦС) со цел поддршка на стратешкото планирање на Собранието; реформите на системот за управување со човечки ресурси; подобрување на проценката на влијание на регулативата и процесите за јавни набавки; заложбите за отворени податоци и преку мерење на јавното мислење и мониторирање на реформските напори, вклучително и поголемо учество на јавноста во процесите на креирање политики.

Во поддршка на наведените реформи, ЕВОЛВ ги спроведе анализите и изработката на документите кои се однесуваат на унапредување на етиката во Собранието и воспоставување парламентарен календар.

Очекувани резултати

• Компаративен преглед на механизми за примена на етичките кодекси во одбрани земји
• Анализа на правната рамка како основа за етичко однесување
• Нов Етички кодекс на однесување кај пратениците
• Упатство за примена на Етичкиот кодекс
• Анализа на искуствата со парламентарен календар во развиени демократии
• Модели на календар кои би можеле да се применуваат во Собранието согласно тековните процеси
• Предлог подготвен парламентарен календар