Портфолио

Главната цел на проектот ќе биде да се зајакнат капацитетите на административните службеници за вклучување на родовата перспектива во креирањето на политиките и буџетите преку користењето на алатките за родово одговорно буџетирање (РОБ). Подетално, целта на овој сет на услуги ќе биде да се обучат клучните административни службеници за примената на РОБ алатките во специфичните секторски анализи на програмите и буџетите, развивање на родови индикатори и следење и оценување на ефектите од родово одговорните политики и буџети во целокупниот општествен контекст. Главниот пристап на проектот е трансформативно креирање на политики и финансирање како овозможувачки фактор за имплементирањето на постоечките национални и меѓународни заложби за родова еднаквост и зајакнување на жените. 

Проектот е спроведен во партнерство меѓу ЕВОЛВ и Центар за управување со промени (ЦУП).

Очекувани резултати

• Развивање на четири тренинг модули за РОБ, вклучувајќи и обука за обучувачи
• Дизајнирање и развивање на user-friendly онлајн платформа како алатка за градење на капацитетите и споделување на знаењата на административните службеници за родово одговорно креирање на политики и буџетирање
• Креирање на библиотека на меѓународни и домашни ресурси за РОБ како интегрален дел на онлајн платформата
• Спроведување на обуки за РОБ наменети за административните службеници
• Воспоставување на База на обучувачи за РОБ
• Развивање и дизајн на информативни и промотивни материјали за примена на РОБ.